早前在TVB節目《美女廚房》中慷慨送吻的AmandaStrang，前晚在蘭桂坊一Vodka活動中充當調酒師，這次卻反過來遭同場的外籍調酒師不斷鹹豬手，雖然場內另一嘉賓戴妮廷穿得更性感，但老外調酒師的目標一直是Amanda，難怪戴妮廷也酸溜溜說：「我着成咁佢都唔摸我，可能我嘅吸引力真係有問題。」
小春可作好友
對被老外狂摸玉臂，Amanda卻不以為然說：「OK啦，歐洲人係咁㗎啦，佢哋慣咗同人有身體接觸，如果你太過閃避或者冇反應，人哋反而會覺得你冇禮貌。如果鬼佬真係想追你，就唔止摸吓手臂㗎啦，佢哋甚至會摸屁股或者揸你個胸㖭﹗」上次在《美女廚房》中令小春暈大浪，問Amanda有沒有下文？她說：「佢咁玩得，我相信我哋係有機會做好朋友嘅，不過做完節目大家都冇交換電話號碼。」
採訪、攝影：吳天慧