星期五放工，很想找個地方避開平日的繁瑣事，只有兩日假期，近近哋去澳門。今次不打算跟何生博過，更不想周圍食。最好可以躲起來，又有大把節目玩，遊走郊外，呼吸香港都冇嘅清新空氣。朋友說，躲入路環嘅威斯汀酒店啦！空吓腦袋，行行路環黑沙吊橋，玩吓划艇仔，沒有桃花園，一樣可以避世。
記者：馬靜兒 攝影：何家亮 Model：Peggy&Crystal@Salvador
玩轉路環行程
第1晚Checkin 入住大露台客房
去度假，好想瞓得舒舒服服，威斯汀間間房都對正無敵海景，仲有超大露台，滿足我呢類日日住在豆腐膶咁細間屋的人。最體貼是連浴室的洗髮水、護髮素都是名牌MoltonBrown，簡直是一流享受。
第2日勁玩勁食
過橋踏艇仔
起床第一件事，好想呼吸新鮮空氣。路環距離威斯汀酒店附近，有一個黑沙水庫，別說香港人，很多澳門人都不知有這地方。酒店的健身經理說，他經常到這裏行山，1小時、3小時，視乎自己喜歡而定。我？城市人1個鐘夠啦！路徑有點似水塘的郊野徑，但多了一條搖搖擺擺的吊橋，走過吊橋就是黑沙水庫，水庫的範圍不算大，但大家對在水庫划艇甚感興趣。正確來說不是划艇，而是用腳驅動的小艇。此外，水庫旁有一個小型滑草場，有免費滑草玩，可惜只限小朋友玩，看他們從20米高處滑下，刺激又開心。
黑沙水庫水上樂園
開放時間：星期六1:00pm-6:00pm，星期日及公眾假期11:00am-6:00pm
划艇：單人澳門幣10元，雙人澳門幣20元
睇住海景打高球
唔想出外，亦可留在酒店內搵節目。若對打高爾夫球有興趣，酒店每逢星期六有高爾夫球班，由教練細心教授，仲要對住無敵沙灘景，學唔學識都唔重要，因為心情早已輕鬆晒。如果本身已是高球高手，就可以打18洞，由原來每次收費$800，若在周一至周五入住酒店，就可以在自選套假package內免費優惠！
高爾夫球班──星期六2:00pm-3:00pm
雞尾酒最緊要shake
玩咗成日當然好口渴，不如跟調酒師學自製雞尾酒。天氣很熱，很想來一杯清爽飲品，芒果夠香夠甜，薄荷夠爽，加冰、加糖漿、加梳打，份量早已由調酒師準備，要做嘅只是當自己是bartender，出力向上搖，向下搖，搞掂！
雞尾酒班
每日6:00pm
食正宗木糠布甸
玩到夜晚覺肚餓，度假package還可選$500餐飲券，周日的海洋自助午餐，收費每位$188，燒烤自助晚餐每位$238，質素都唔錯。不過，一定要試這裏的木糠布甸，聽侍應說，葡萄牙國家隊有次入住威斯汀，個個球員每晚要吃隨團廚師做的木糠布甸做消夜。後來，為答謝酒店的殷勤招待，將木糠布甸的食譜送贈酒店，所以在這裏吃到的木糠布甸是全澳門最正宗的，味道如何？鬆化軟滑，連伴碟的蛋白餅都好好味。
其他避世節目
澳門威士汀度假酒店（28032002）
夏日自選逍遙套票
星期一至四：$1,988/晚 星期五：$2,138/晚
星期六：$2,438/晚
連續入住兩晚，可免費參加甜品班、雞尾酒班、高爾夫球班及健身課程（瑜伽、Pilates），及選以下兩項活動：1個18洞高爾夫球果嶺費（只限周一至周五）、2位60分鐘身體按摩、$500之2人餐飲券、全日威斯汀兒童俱樂部活動及$160餐飲券
推廣期：即日至8月31日