網絡供應商香港寬頻接連遭讀者投訴服務欠妥。一位讀者預早遞交服務終止表後，已獲回覆確認，但仍遭自動續約；另一位要求提早終止免費提供的數碼電視服務時被拒。
個案一：早做好終止手續
讀者羅先生不滿香港寬頻在確認終止合約後，仍遭擅自續約。
他說：「我已經依足手續早成個月，喺6月填寫終止合約申請表，過幾日就收到回覆，我嘅寬頻服務會喺7月10日停止。但6月尾時，收到香港寬頻電郵，話如果唔喺7月前登記，就會自動續約。我見收到呢封電郵前，都已經搞好終止手續，咪唔理囉！點知事後又夾硬同我續約，即係之前做咁多工夫都係白費，停唔到服務！」
香港寬頻回覆稱，羅先生之上網服務，原於7月10日終止，事後已和羅先生聯絡，確認不需理會有關自動續約之電郵，其服務將在7月30日正式終止，並對因終止服務事宜，引起羅先生不便致歉。
檔案編號：0704040
個案二：拒絕回收解碼器
葉小姐不滿香港寬頻辦事僵化。她說：「我用呢間公司，係為咗上網，但5月簽約時，就送多半年數碼電視畀我睇。不過用咗一陣後，覺得啲電視節目唔啱睇，就想停咗佢，同搵人收番個解碼器，費事阻地方，又怕第日唔記得停服務，會收我錢。點知對方話未滿約唔同我收，我要求佢哋畀番封確認已申請終止電視服務嘅信，保障自己，又被拒絕！」
香港寬頻回覆，指葉小姐所享用之數碼電視，合約為期半年，免基本月費收看逾70條基本頻道，約滿後轉至收看22條優惠頻道計劃，同樣免基本月費，並保證未獲客戶同意下，不會附加任何收費頻道，但基於葉小姐堅持，公司已安排職員於8月10日提早收回器材。檔案編號：0704041