巨胸女星奀豬真係枉為教徒，最近佢喺內地拍劇，工作態度極差，俾成組工作人員喺背後鬧到七彩，話說奀豬每日開工最少遲兩粒鐘，有時幾乎半朝都唔蒲頭，導演唔想嘥電費，索性叫人熄晒燈等佢呢位阿姐現身。點知佢嚟到完全冇歉意之餘，仲夠膽死喺度打電腦同傾電話，搞到導演同製片激到生蝦咁跳。呢齣劇之前已經有兩位阿姐嗌晒交，估唔到呢位阿姐又咁煩。