三年多前，楊思琦與李家鼎之子李永豪戀情曝光，全人類大跌眼鏡，誰也沒想過飛上枝頭的港姐冠軍，會選上一個無論知名度和事業也跟自己有一大段距離的小藝員，沒有再上一層樓；今日兩口子仍恩愛如昔，更是全世界始料不及。究竟，是甚麼令到思琦愛得如此死心塌地？
炒車見關懷
楊：大家幾夾咁啦！緣份嘅嘢，唔係用錢衡量。
雖然有關感情問題，思琦不欲多談，但一提到李永豪擔心她通宵工作精神欠佳，獨自駕車返家會發生危險時，她即甜絲絲一副冧樣。
楊：係呀，我試過拍劇拍通宵，揸車返屋企嗰陣好眼瞓，結果竟然瞓着咗，鏟咗上石壆度，好在冇乜大礙。佢（李永豪）成日都叫我小心啲，又話不如接我放工，但佢自己都要開工，無謂要佢走嚟走去咁辛苦啦！
比起「我愛你」這三個字，這幾句關懷體貼的說話，不是更令人感動嗎？