天橋熱話：照搬紐約騷　Y-3明玩希治閣

無疑是因為Yohji的神枱級數，Y-3的版圖才日復一日地壯大。繼年頭專門店開幕後，來到06秋冬季度，本地代理D-mop更罕有地發大來搞，將曾經在紐約搞過的一次貓行騷原原本本搬來香港再演，不可謂不揼本。而於上周舉行的CatwalkShow連隨打後的AfterParty，也可說星光熠熠，連派對稀客劉華都請到，今勻D-mop可謂威番次了。
記者：吳小明
攝影：譚盈傑、黃子偉

飛機倉貓行

是次秋冬系列展選址於九龍灣前香港飛行服務隊飛機倉舊址，雖隔涉到暈，但新鮮感加分。場面裝潢跟足紐約上次，以有如希治閣電影般的背景，配合全黑的大樹、破爛的門窗布置等，營造迷惑懸疑的氣氛。雖然音樂部份在表演開始初段出現DeadAir數秒的小瑕疵，但過程都算順利，在場的嘉賓反應OK，也算盡興而歸。

1.男模手上的烏鴉造型，配合身上烏鴉珠片點綴大褸，都算Cool嘅。

2.黑白運動套裝，最搶係飛絮般的長冷巾。

3.三間毛冷斗篷，保暖又夠Loud，應該好啱Y-3Fans心水。

4.彩藍套裝。

5.火紅運動套裝。

（所有新裝均未定價）

希治閣驚慄感

秋冬的Y-3大玩希治閣電影的黑色驚慄，主要顏色當然是黑，夾雜鮮明的紅、寶藍及百搭白，感覺相當強烈。線條有誇張的墜褶及垂褶剪裁，分明是向高級訂做服取經，部份服飾印有戲劇性的手槍、匕首及烏鴉圖案，還加上閃爆的Swarovski水晶點綴，部份配飾印上驚叫女人的大頭圖案，明顯向希治閣致敬。

■今次Catwalk另一賣點是請來寶島真Twins孖妹名模張珈瑜及珈禎行Show，不過在場所見，大家對呢Pair孖妹一啲反應都無喎。

■adidasGlobalMarketing的總監PeterMartin今次亦專程來港睇呢場Y-3騷，他說Y-3愈做愈好，已有計劃年尾開多間專門店咁話。

畀面派對

■會場乃飛機倉舊址，當然夠大，保守估計當晚都應有上千人。

1.琛仔一身板仔服到場，唔着Y-3不特止，仲鬼咁招搖戴住自家出品LorryCap，唔夠畀面喎。

2.相反Mango就好識做，全套秋冬系列上陣，仲賣大包露少少心口過你睇。

3.連劉華都請到，今次D-mop好有面子。

4.本地第一代瘦骨男模Raymond，現已轉型由台前走到幕後，成為形象指導，夠晒說服力吖。

秋冬新貨火速上架

今季配飾方面增加多款皮鞋產品，無論是運動鞋及高踭鞋均有，完全是LuxurySportswear格局：女裝鞋以閃石高跟鞋及WedgeHeels皮靴最Grand，簡直是時裝，跟運動沾不上邊；男裝鞋方面則有Casual的波鞋及專業Golf鞋等等；至於飾物方面一如既往，強調Logo為先，滿足Fans的虛榮心為要嘛。