【本報訊】本地遊戲軟件開發商成功「撼低」來自日本及韓國對手，俘虜大批本地青少年，其中天朝數碼娛樂有限公司限量300套遊戲《星夢—榮耀之巔》昨於10分鐘內售罄，成為今屆動漫節及電玩展的大贏家。
背後策略完善
天朝數碼娛樂總裁淘滿慈昨表示，從上屆電玩展已看見愈來愈多市民支持本地創作遊戲，「五年前，本地遊戲商極少，𠵱家就成行成市、百花齊放。」他續稱，以旗下遊戲《星夢》為例，登記玩家已達20萬人，每日平均新增500人。
要成功奪得港人心，背後實有整套策略。淘滿慈說，將於下月底推出的網絡玩意《MyMonkey》，由玩家自行設計傢俬及為寵物馬騮選擇食物，因此與別府拉麵合作，玩家可為馬騮選擇別府推出的食品，並可親身前往拉麵店，獲飲食優惠券；另外又與傢俬店洽商，設計及出售遊戲內出現的傢俬，「提供一個衣食住行嘅商業平台，又令到玩家投入整個遊戲世界。」
gameone董事總經理施仁毅指，限量500套的古龍六轉寶典虛擬武器閃卡於兩小時內售罄。他說，今年生意明顯較往年好，開幕首兩小時生意額已達50萬元，「已經係上年全日嘅生意額。」
加入地道文化
越一科技有限公司總裁朱仲豪則說，限量版閃卡、豪華包迅速售罄，「生意比上年好。」他又指，要引起港人興趣，好玩、具創意及貼近本地文化非常重要，「本地遊戲加入咗地道文化，好似端午節時，遊戲入面成條街都係賣糭，加強本地人嘅共鳴感，韓國同日本嘅遊戲唔會做到！」