梁漢文噚日幫新浪網主持一個叫做《放榜多面體》嘅節目,同班會考生討論點樣減壓。佢話當年自己會考成績都唔係咁好,數學同地理都唔及格,佢話:「最緊要知道自己盡咗力,同埋放榜前不妨搵班朋友,或者搵同學傾心事,避免鑽牛角尖。」佢話人生最大打擊莫過於當年唱片公司華星倒閉,結果自閉咗一星期,但最後都諗通咗,因為天無絕人之路。