廖碧兒、馬詩慧和兒童節目主持蓋世寶昨天齊到旺角新世紀廣場擔任兒童版的「我要做Model選舉」總決賽評判。從小習舞的廖碧兒要與參賽小童比舞，但她賽前已事先張揚會輸，她笑說：「啲小朋友好sweet，識得跳爵士舞、士的舞，練得好熟，佢哋跳舞會冧到人，我一定輸。」
囝囝踎地搞笑
過往廖碧兒曾多次公開獻舞技，問她會否考慮開班授徒？她說：「我都係專心做演員，都學緊做戲，之前王仁曼有搵過我教跳舞，我都冇做到，有時間客串吓就冇所謂。」而昨晚廖碧兒已飛往美國拍攝廣告𢱑銀。
模特兒出身的馬詩慧更帶囝囝王耀穎上台示範母子貓步，事後又在台上大談湊仔心得，未知其囝囝是否因腳軟抑或悶得發慌，突然踎在媽媽身邊等候，場面搞笑。
採訪、攝影：何永寧
