與只有歲半的女兒相依為命，35歲的阿華早前被生活重擔壓得透不過氣來，並為沒有餘錢添置基本家庭電器發愁，不過，幸得蘋果基金及善心讀者作出支援，令阿華明白到這個社會並不冷漠，人間確是有情。
來自廣東梅州的阿華，四年前與一名香港人結婚後，移居本港，其後她與丈夫離婚，認識另一男子，惟雙方感情有變，阿華決定抽身離開，可是當她感情受挫之時，竟發現懷有身孕。最後幾經掙扎，她決定將女兒產下，並立下心願，將女兒撫養成人。
阿華於誕下女兒後，獲得社工幫助，到志願機構所辦的宿舍居住，並向政府申請綜援，租住深水埗區一個房間。可是她取得的綜援金，只夠繳付屋租同水電按金，雖然房內已有上手租客留下的睡床和矮櫃，可是其他基本電器，如雪櫃及電視機，她根本未能負擔，令她大感惆悵。
多謝讀者幫忙
「嗰時我最希望就係有一部雪櫃同一部電視機，雪櫃可以畀我雪住啲食剩嘅飯菜，唔使嘥嘢，電視機就可以畀我同囡囡睇解悶。之後聽人講你哋會幫到我，我就打電話搵你哋幫手。」阿華說。
蘋果基金得悉阿華情況，即在本報作出呼籲，其後即獲善心讀者譚太送出一部21吋電視機及陳小姐送出高3呎的雪櫃，另外又有讀者捐款予阿華以表心意，善款合共1,300元。記者日前到阿華家中探訪，並將善款交予阿華簽收。「我嘅心情已經好咗好多，電視機同雪櫃好合用，我真係好多謝啲讀者咁幫我哋；雖然我好想搵工做，但聽咗其他人意見，我會先畀心機湊囡囡，到佢返學，我就可以去學啲技能同搵份工嚟養大佢。」阿華堅定地說。
捐款編號：C2061