朋友早兩日打電話嚟，話喺皇冠汽車北角維修中心見到新款DaihatsuTerios，仲問我試咗車未；聽完之後真係俾佢激死，我哋一早就介紹咗，𠵱家先介紹就真係遲囉！講番部車點解會喺北角維修中心出現，經查證後原來係代理方面特別將它停放喺4間主要維修中心，除北角外，還有九龍灣、荃灣及土瓜灣英之傑汽車維修中心，等班有興趣嘅車主，唔使一定要去Showroom睇車！另外仲有樣嘢要提提大家，如果想去睇吓Daihatsu有咩新車，就記得要去葵涌美達中心嘅DaihatsuGallery，因為元朗間Showroom已經搬咗過去！
至於話想趁呢個周末，買番部價錢夠抵質素又高嘅車代步，咁就記得今明2日（7月29、30日）上午10時30分至晚上7時30分，到九龍灣大昌汽車服務中心參觀「本田優質陳列車及經理車車展」，屆時會有多部優質車款展出，其中Jazz、Civic和Stepwgn也是展出之列，最高優惠達3萬多元，同時又提供免費泊車優惠，等你可以慢慢睇、慢慢試。
記者：鄭達基