上周六在香港迪士尼樂園舉行夢幻婚禮的郭晉安和歐倩怡，昨日夫妻檔出席金飾店剪綵禮，穿上鬆身裙的歐倩怡，惹來大肚疑雲，安仔指太太是否有身孕要待個多月後才有分曉，現在則努力賺錢儲BB基金。
婚後首次齊齊現身的郭晉安和歐倩怡，昨日以六位數字酬勞擔任元朗金至尊新店開幕禮嘉賓，歐倩怡穿上高腰吊帶裙出現，惹來大肚疑雲。
摸手仔認老婆
問安仔如此急着結婚，是否因為歐倩怡已懷有身孕時，他笑說：「冇，不過我會好努力㗎啦！」莫非安仔是怕BB小器而不肯公開？安仔竟有所暗示說：「呢啲呃唔到，總之今日未係，起碼一個幾月後至知，呢排密集式剪綵搵食，儲起啲錢做BB基金，留番嚟做奶粉錢。」
除剪綵酬勞外，金飾店昨日亦送上總值28,000元足金首飾和擺設給他們作結婚禮物，祝福他們白頭到老。同時，又即場進行玩新人遊戲，要蒙着雙眼的安仔摸手仔認新娘，由於安仔難以確定，遂要求大會給他用鼻去聞，結果一聞便聞中太太的番梘味道。
扮慘打動女友
問安仔當日如何向女友求婚成功時，他笑說：「當日我喺橫店拍嘢好辛苦，我同佢講話拍嘢好慘，捱到殘冇人要，佢話見我扮慘就應承咗我。」早前婚禮上，一對新人收到幾十両金飾，安仔揚言已放進保險箱，家中一錢金也沒有，着匪徒不要打他主意。問新婚感覺如何時，安仔笑道：「興奮、好玩、開心同得意！」
撰文：林妃
