軟硬天師闊別樂迷10年，昨晚舉行首場演唱會，紅館場外人山人海，對於等到頸長的fans來說，昨晚可說是一個大日子，各自抱着不同的期望來欣賞偶像演出。
陳小姐及友人：
我鍾意咗佢哋10幾年，但係就冇乜話特別鍾意邊個，鍾意佢哋靚仔囉！佢哋鍾意人哋話佢哋靚仔，聽咗之後一定會好開心，今次我買咗四場飛。
GiGi：
我由《老人院》時期已經好鍾意佢哋，到𠵱家已經10幾年，我比較鍾意阿葛多啲，不過今次啲精品太貴，好多都唔捨得買。
在精品攤位排頭位的阿文：
我鍾意咗佢哋都有10幾年嘞！我鍾意佢哋係因為佢哋好搞笑，因為買唔到飛，所以今次只係睇一場，但唔係今日睇，今日係為咗買演唱會精品而來，我6點鐘已經開始喺度排隊。
李小姐：
我鍾意佢哋嘅所有嘢，尤其係阿Jan，但係就唔算係超級fans，唔會買晒佢哋嘅所有嘢，但係就會買佢哋嘅CD。