「我參加比賽唔係為咗輸贏，只係為咗證明畀個女睇，只要有信念，一定可以做到！」儘管罹患腸癌末期，張翠儀堅持粉墨登場，背上重十磅及長八呎的雙翼，站在今屆動漫節cosplay（人物扮演）大賽的舞台上傾力表演，讓念中二的女兒、小二的兒子及一群擁躉為她吶喊歡呼。
《幽遊白書》迷張翠儀今年扮演漫畫中「妖狐」一角，她指，以往多次參與cosplay大賽決賽，但今次參賽明顯較以往痛苦、艱辛。今年一月她證實患上腸癌第四期，參賽前她分別接受中西醫治療；現在每天需吃八粒抗癌藥丸、忍受腹痛的煎熬，昨日又忙於檢視服裝、頭飾是否妥當，為雙翼補貼掉落的羽毛及作舞步編排，「好辛苦﹗隨時有生命危險，自己都唔擔保可以參與晒四場表演。」
只希望完成賽事
兒女是今屆比賽的原動力，曾作角色扮演的女兒向母親說：「我冇資格扮到好似你咁靚，所以只係想睇你表演！」
女兒的一句話令張翠儀堅持下去，「見到嗰女咁希望我表演畀佢睇，為咗佢我一定繼續」，她承認，以往參加比賽最渴望成為三甲，但她昨日笑言，今屆只希望完成賽事，「帶住個病依然可以完成賽事，已經好滿意；輸贏控制唔到，就當獎金。」她將與逾30名參賽者同場角逐，決賽於8月1日動漫節閉幕日舉行。
記者：黃嘉寶