陳苑淇同張敬軒前晚喺旺角一商場舉行小型音樂會，吸引半百fans同市民圍觀，兩人仲喺台上互爆對方心有所屬。收起性感嘅陳苑淇話近日忙於為港台拍攝一輯教育電視劇，劇中飾演一位吸毒護士，張敬軒就話早前於汕頭開演唱會時，有歌迷掟咗兩罐未開過嘅汽水上台，幸好冇人受傷。
第十一屆香港電影金紫荊獎昨日假中環一餐廳內公布提名名單（見附表），獲提名的演員林家棟、任達華、劉兆銘及導演阮世生等均有到場。頒獎禮於下月13日在九龍灣展貿中心舉行，屆時會由亞洲電視直播。
今屆金紫荊獎的影帝影后提名均有「驚喜」，早前在金像獎中憑《虫不知》角逐最佳新人獎落敗的梁洛施，竟憑《伊莎貝拉》獲提名最佳女主角獎，越級挑戰周迅、張栢芝及李心潔三位影后級人馬。男主角獎方面，陳奕迅則憑在金像獎中無影無蹤的《神經俠侶》入圍，與《黑社會》的任達華和梁家輝及《童夢奇緣》的劉德華較勁。
栢芝：獲認同好開心
Isabella昨日在電話中說：「我一向都好欣賞周迅同張栢芝，今次可以同佢哋一齊提名，我已經當贏咗，同埋好榮幸，會以平常心面對頒獎結果。」憑《無極》角逐影后的栢芝昨日透過助手回覆說：「《無極》拍咗半年，台前幕後都好辛苦，呢次獲認同好開心。」劉德華則透過電話說：「最開心係家棟入圍角逐男配角，希望佢可以獲獎，因為家棟係一個好用心嘅演員。」陳奕迅和梁家輝均表示獲提名感到高興，但希望不要給自己壓力。
至於昨日有份出席記者會的任達華則說：「個個都係最大對手，劉德華為咗套戲化妝化成十幾個鐘，杜汶澤為部戲肥咗30磅，邊個攞都應該。」
此外，《神經俠侶》在剛過去的金像獎連一項提名也沒有，但在金紫荊獎中則獲最佳電影和最佳男主角等五項大獎提名，編劇羅耀輝昨日說：「好開心，希望憑呢套戲得獎，因為金像獎輸咗。」
採訪：何永寧 攝影：陳偉權
