一連幾日嘅山西省招商活動，噚日落幕前，有個重大簽約儀式同成果發布會，今次最捧于幼軍場嘅，原來係台灣首富郭台銘，佢鴻海集團旗下嘅富士康集團，分別簽咗汽車零部件、煤化工同影視城項目。
外界奇怪點解郭台銘無端端會喺山西省投資影視城。台灣報章猜測因為佢媳婦從事演藝事業，最近又為佢生咗個孫，所以投其所好，加上佢本身係山西晉城人，想為故鄉做啲嘢。
噚日簽約儀式上，郭富翁又俾問到呢個問題，佢話：「台灣報紙的記者亂寫，你們是否又要亂寫？」佢解釋分別喺山西太原和晉城各投資1億美元建設影視城，係嗰度有2500年歷史，風景秀美喎！真係信不信由你。
佢又話，平時都有打golf，香港清水灣球會都係佢嘅落腳點。想搵佢，大家識去邊啦！