炎炎夏日，李彩華（Rain）覺得最佳的消暑方法是不停食雪條和西瓜，最高紀錄可獨自幹掉一個大西瓜，Rain又謂以前每逢暑假都會游水踩單車，不過現在這些活動對她已經十分遙遠了。
李彩華最近一方面忙於在橫店拍攝劇集《詠春》，一方面又要回港宣傳，稍後更要推出唱片，忙得不可開交，不過日前她偷得浮生半日閒，穿上熱褲踏單車，享受一個悠閒下午。
阿Rain早知橫店炎熱，但想不到回港後，悶熱天氣仍持續，她說：「最好嘅消暑方法就係不停食雪條同西瓜，我最犀利可以一個人食晒一個大西瓜，最享受嘅方法就係將西瓜切開一半，然後用匙羮大啖大啖咁放入口，不過食完成個西瓜後，最衰係會不停去廁所。」
冰風透心涼
阿Rain表示香港雖熱，仍可走進冷氣地方乘涼，但在橫店就沒有這麼幸福，加上常被蚊叮，苦不堪言，她說：「最慘係啲蚊趕極都唔走，好似寃鬼咁。我哋嘅消暑方法就係買好多冰，然後放喺一把大風扇前面，咁吹出嚟嘅風就會好涼。」
其實阿Rain小時候很喜歡游水和踩單車，但自加入娛樂圈後就沒有時間運動，她說：「況且𠵱家太多狗仔隊，真係怕俾人偷影，以前我一放暑假就會游水，所以細個皮膚好黑，但近年已經曬唔黑。」
採訪：胡比 攝影：陳俊強
Hair：DanielofHipHairCulture Makeup：EmmaofBe-Beauty
