周麗淇（Niki）出席公開活動，經常都笑容滿臉，就算拍電影或劇集時，演繹的角色都總是開朗少女。不過最近出書做作家的她，表示自己動靜皆宜，更打算策劃一個夏令營，與歌迷提早慶祝生日。
最近晉身文化界，學做才女出書的周麗淇，推出的新書其實類似一本互動的日記簿，讓歌迷寫下心事讓偶像看。Niki自言屬於動靜皆宜的女仔，有時會安坐家中獨自聽歌、看書，有時又會約三五知己遊船河。出書不久後，她又滿腹大計，準備與其代言的飲品公司，於下月舉行一個夏令營，順便與歌迷一起提早慶祝生日。
夏之女忌水
生於8月30日的Niki自言由於在夏天出世，所以特別喜歡陽光，她說：「我好享受太陽曬落我身上嘅感覺，好鍾意同陽光玩遊戲，但係好多運動都唔識，好似游水就一啲都唔識，阿Lo（林曉峰）都話教我。唔知點解，我好怕喺海入面，可能睇唔到水入面有乜，而且腳又掂唔到地，所以冇乜安全感，好希望今個夏天可以克服到驚水嘅心理障礙啦。同埋我本身唔識踩單車㗎，係拍廣告時即刻學嘅，哈，咁又畀我學識喎，所以游水應該好快學到嘅。」
愈多人愈好
另外，今次夏令營的節目，Niki會參與設計遊戲，希望和當天出席的數百歌迷有個近距離接觸，她說：「我乜都可以玩嘅，而且我都學識踩單車，到時可能去玩啦。𠵱家我都同工作人員傾緊，希望到時嘅遊戲可以多啲人參與到。」
採訪：王連連
攝影：陳順禎