每個媳婦頭上，是否都有座「奶奶山」?在互聯網的世界，有人問：「點解我奶奶咁對我，我對住我老公啲屋企人好大壓力，我就嚟癲啦，我自問對佢哋好好…好唔開心呀…Help…」這個絕望的呼喚，瞬即獲得溫情回應：「不如你同你老公搬出去啦……你老公唔使左右做人難」、「唔好呃自己，你平時點對你奶奶先？你真心真意對佢好的話，佢無理由仲會對你唔好㗎」、「只要你自己有道理就得，我對我奶奶都係咁，佢對我仲衰過你個奶奶㖭呀！」
向晴軒督導主任郭志英說，貼出這問題的人，雖可透過互聯網發洩不滿，但網友的回應有對有錯，若不細心思考，可能造成嚴重後果：「婆媳之間關係唔係三言兩語交代到，人哋又唔知你實際情況，有時講咗都唔啱你用。唔通個網友叫你鬧番佢（奶奶）轉頭，你又照做咩，要諗吓係咪合理囉。」
專家建議找社工協助
家家有本難念的經，戶戶亦有不同的婆媳問題，郭志英說：「最好還是請社工等專業人士，『度身訂做』一個解決問題的方法。」