長披夠晒UserFriendly，無論你屬肥定瘦，都一樣可以買定件看門口，不過一眾較矮小的女生購買前就要三思，因為長披容易令自己身形更顯矮小，無謂冒險喇。要把長披配襯得好絕對無難度，這件百搭服飾是日本女生們今季最潮之選，沒有「年齡界限」的感覺，後生女、OL都一樣Carry得到。
襯！唔同顏色唔同味道
Tee加牛記本來平凡，但在外加一件長披，成個Look立即唔同晒，唔同類型的長披亦可做出唔同的味道。要型，可揀長度過膝或者多啲Details的款式；要Cute的，就可揀中長度、碎花Pattern、顏色較Warm（紅、黃色等暖色調）或Colorful的款式；而要斯文或穩陣一點的，則可揀黑白色或「企身」一點的款式。質料方面，長披多以針織及尼龍布為主，怕熱的話，可選輕身一點的針織，不過切記要用手洗，否則衫身容易起線粒。
必備！襯底必備貼身衫
背心長褸極易襯，下身着乜問題唔大，今季勁興的四個骨牛仔褲就最百搭，玩斯文或型Look一樣OK，而短褲短裙都一樣係襯衫的好幫手，不過Cotton料的短褲就應盡量避免，而泡泡裙都最好可免則免，一個貼身一個有Volume，絕對唔Match；至於上身就只要有一件貼身Tee或小背心就搞掂，老實講，今季始終離唔開玩貼身的潮流，入多一兩件貨實冇死！