擁有33C、22、33勻稱身段的黃泆潼皮膚白皙，她自言很容易曬黑，所以一到夏天，就最愛躲在家中歎冷氣吃雪糕。為了保持身材樣貌，她戒喝冷飲、戒吃紅肉以及添衣保暖，希望保持永遠美麗。
黃泆潼日前一身低胸背心襯短裙到沙灘嬉水作樂，大晒引以自豪的小蠻腰和玉腿。問她有何消暑秘方，她說：「我鍾意食涼粉、冰冰同雪糕，好透心涼，不過女仔真係唔可以食咁多生冷嘢，對身體同血氣都冇咁好，我已經盡量戒口，但雪糕就忍唔到口。」
戒紅肉驅蚊
黃泆潼現時跟黎姿（GiGi）合作拍攝新劇《通天幹探》，大讚拍檔十分滋陰，她說：「GiGi教我唔好飲咁多凍飲，佢好識保養之道，佢喺影廠拍劇都會着住羽絨保暖。佢因為咁識得保養，所以咁多年都咁靚女，我都要學嘢。」
夏日戶外工作或玩樂，女士的玉腿容易淪為蚊蟲的大餐，但拍攝期間，黃泆潼竟然沒事，原來她的貼士是：「以前我都好惹蚊，但因為戒咗食紅肉，改食雞肉同海鮮，可能體質唔同咗，真係冇咁易惹蚊，我好多茹素嘅朋友都有同感。」
唱反調增肥
談到女藝人為了上鏡纖瘦一點，猛嚷着要減肥，黃泆潼卻大唱反調，她說：「一拍劇我就自然會瘦，我嫌自己過瘦，不過𠵱家最自豪係22吋腰。」
採訪：比華利 攝影：陳順禎
服裝：UnitedColorsofBenetton
