入行10年的陳奕迅（Eason），稍後會舉行回顧音樂會，他表示到時會和舊緋聞女友楊千嬅合唱連卡拉OK也沒有的《其實我記得》，並笑稱當年唱到有少許走音，所以要唱一個完美版本。
陳小春、關心妍及吳浩康等前晚在銅鑼灣出席加州紅卡拉OK活動，正式宣布藍芽點歌系統登陸全線分店，特別嘉賓陳奕迅率先試玩及示範。
小春拒女方主動
Eason透露稍後會舉行一個音樂會，回顧他入行10年的歌唱事業，他近日經常往卡拉OK選歌，Eason說：「我到𠵱家都未決定要唱啲乜歌，不過有一首歌已經決定要唱，連卡拉OK都冇，就係收錄喺我第一張個人大碟，當年同楊千嬅合唱嘅《其實我記得》，不過當年唱到走走哋音，所以已決定要再喺台上唱一次冇走音嘅版本。」Eason還透露已邀請楊千嬅跟他重唱這一首滄海遺珠。
日前出席節目《美女廚房》被靚女模特兒AmandaStrang熱情獻吻的陳小春，前晚直認是為希望得到手機禮物才出席活動，當問到若有女仔主動向他投懷送抱，他會否即時受落，他即說：「你估我係狗咩？流浪狗都要走去聞吓，其實我都幾抗拒女仔送上門，我覺得toomuch，點都要交個朋友先，通過電話。」
甩拖海上慶生辰
此外，甩拖後的關心妍（Jade）下星期一生日，她表示已有不少朋友約她共度，故她打算搞一個海上派對。問到周麗淇的新書被踢爆找傅珮嘉做槍手，關心妍說：「冇聽過，我知道啲插畫係傅珮嘉畫，但應該唔係由佢寫。」
採訪：駱華齡
攝影：陳俊強
