恒指喺57點範圍內上落，以接近最高收市，報16617，進賬33點。地產股有勢，恒隆集團（010）升0.68元，恒隆地產（101）升0.20元，信置（083）升0.16元，3隻地產股都冇C輪上市。短期睇好地產股，可向新地（016）與長實（001）C輪埋手。
新地C輪9209：揀新地C輪短炒，正路之選係9209。隻輪12月聖誕前夠鐘，輪價63仙，溢價2.8%，槓桿率12.7倍（有效8.4倍），引伸波幅22%。
3485壽命較9209短3個月，輪價44.5仙，溢價2.9%，槓桿率18倍（有效11.8倍），引伸波幅23.2%，亦可一併留意。
長實C輪3622：3622屬比較靚嘅長實C輪，10月初夠鐘，輪價38仙，溢價3.2%，槓桿率22倍（有效13.4倍），引伸波幅20.1%。3673係最熱門嘅長實C輪，10月下旬到期，槓桿率好勁，有48倍（有效15.6倍），引伸波幅21%。但一睇溢價7.8%，買唔過，除非認為正股會升得好勁。正股若升得唔勁，揸3673好易輸錢。
國壽C輪4926：國壽（2628）升0.14元，幾乎所有C輪都升。4827升11%，最大理由係溢價低。3890則跌11%，最大理由係溢價高（11月到期，溢價近13.7%）。短炒諗4926，12月初到期，輪價15.8仙，溢價5.7%，槓桿率8.1倍（有效5.6倍），引伸波幅34.8%。
章盛