保頓隊長路蘭波底唔錯，前排仲有機會入選英格蘭國家隊，可惜最後都冇份打世盃。唔講唔知，原來路蘭可以成為愛爾蘭或者荷蘭國腳，如果嚟緊仲唔可以入選英格蘭大軍，路蘭話明冇面畀，隨時代表愛爾蘭或荷蘭都未定。計我求大俠話，路蘭擺明想向英軍新教頭麥卡倫施壓，博入英格蘭國家隊啫。