自由自在喺空中飛行，一直都係機迷熱愛嘅玩法之一，所以Microsoft嘅《FightSim》長出長有。不過有啲機迷就略嫌《FightSim》太真實，幾乎Keyboard上嘅掣都用得着，而且以操控飛機為主，玩得耐難免欠缺刺激。
BANDAINAMCO就係針對呢點而開發《AceCombat》系列，除咗有大量唔同型號嘅飛機畀機迷操控外，仲有敵機同任務模式刁難你，喺空中要將戰機控制得四平八穩，兼且擊落如風湧至嘅敵機，最後順利完成各項任務如救人、爭制空權、毀滅兵工廠等，先叫完成一關，玩起上嚟富變化得多！
空中要塞識隱形
系列最新作將喺06年秋季首度登陸PSP嘅《AceCombatX:SkiesofDeception》，透過闊屏比例，空戰場面將更有電影感，諗起兩架戰機並排飛行，已經夠晒刺激！PSP版將收錄F-22、F-15S、S-32等真實型戰機，另有自創嘅XFA-24A同XFA-27，最霸道係新加嘅空中要塞Gleipnir，光學、雷達兩者均偵察不到其存在，做到真正隱形嘅神效。要塞更配備威力強大嘅衝擊波（SW炮），作為敵人簡直強得過份！
記者：徐影龍