夫婦關係親密，也少不免有爭拗，愈拗愈激烈，便容易出現家庭暴力事件。結婚七年的阿峰自女兒出生後，便經常與妻子爭拗。「大家對點樣安排個女嘅生活有唔同意見，我發脾氣掟爛啲傢俬，仲諗點樣整死佢就冇人阻住我。」夫婦經常大吵大鬧，導致三歲的女兒出現情緒問題，他意識問題嚴重，向社工求助，獲轉介參加香港家庭福利會的「和平計劃」，學習如何控制情緒。
「有怒火即行開」
「當我一有怒火就即時行開，唔好令把火升級同情緒失控。」阿峰接受三個月的施虐者治療後，與妻子關係雖未有改善，但不再惡化，「之前社工話我同老婆隨時可以離婚，𠵱家至少可以和平相處。」
阿雷結婚十年，他一向「大男人」，將妻子當作「妹仔」。「我當自己係皇帝，要佢聽我話。佢同朋友出街遲咗返屋企煮飯，我將啲飯餸推落地，大家啲新仇舊恨出晒嚟，佢駁嘴，我好想一拳打佢。」阿雷擔心暴力行為不斷升級，「連老婆都冇埋」，自薦參與和平計劃學習控制怒火，之後與妻子關係已得到改善。