郭羨妮自從同殼王陳國強傳出緋聞後，曾經一度富貴，拍電影有女主角做，開工嗰陣仲有四個保鑣護駕，身價完全唔同晒。
好景不常，自從郭羨妮被踢爆同有婦之夫馬德鐘藕斷絲連，仲夜訪男方位於西貢寶珊苑嘅新居，咁樣做當然會有手尾跟。原本殼王個老死、美亞公司老闆李國興準備開拍新戲《呂四娘》，搵郭羨妮做女主角，𠵱家冇喇，因為突然話女主角要換人！
低調避鋒頭
有人好奇女主角係咪換咗搵葉璇頂上，事關最近有傳聞話佢又再次得到殼王歡心，仲話送埋豪宅㖭。
其實搵佢做女主角都唔係乜嘢奇事，但弊就弊在葉璇啲工作態度又唔係咁多人頂得住，加上殼王都唔想搞到咁高調，費事辣㷫枕邊人，所以馮仁昭估計呢部戲應該唔會考慮搵葉璇做喇！
