講到ConceptCar，大家都幻想到係好誇張，但點都有4個轆，1個引擎，但我哋今次搵到呢2部車，真係怪到你唔信。第一部係HSS嘅Kart仔，不過英國佬JamesGoddard-watts就自行改裝成V8引擎，直路上會快過好多跑車。
呢部V8小型賽車引擎，其實係用咗8部手提電鋸嘅發動機，獨立推動2個後轆，1個波段，踩油就去，呢部超級直路小型賽車馬力不詳，但估計0-60km/h加速只需3秒。你哋睇到圖中車尾個巨型鐵架，唔係定風翼，而係控制油門嘅同步機械。
另一部今個月最出位嘅ConceptCar就係愛快嘅AlfaSpix，呢部車最出位係4個車轆，佢哋全部藏於車身之內。AlfaSpix係由KoenigsfeldGeoffroy設計，再由出名搞嘢嘅Creatix作最後Finetune，Spix有三角形軚盤、上掀式鷗翼車門、環保V6愛快引擎、車底擾流等，唔好以為係ConceptCar，愛快造車一向以個性為主，唔多理市場大趨勢，所以廠方有機會整一兩部出嚟賣，愛快迷要留意。
記者：伍旋卓
