透過電腦視像器材進行的網上性愛（cybersex），雖無真實身體接觸，但因不必暴露樣貌，又可隨時換伴增加新鮮感，所以愈來愈多人沉迷這種虛擬關係追求快感。網上性愛看似安全其實危機四伏，有人被網友騙財騙色，連小學生也不能倖免墮入色網。
年方19的Fanny一向愛上網打機，晚上睡不着便以ICQ與網友聊天，也愛玩MSN視像通話，每天最少上網四、五個小時。去年與男友分手後，竟發展了一段非一般網上關係。「夜晚悶悶哋，上網玩MSN解悶，喺網上識咗個做銀行嘅男仔，用webcam（視像鏡頭）見面，佢好靚仔，大家喺網上傾咗兩個月熟絡之後，佢就撩我玩cybersex。」
OL失身後如夢初醒
Fanny最初一口拒絕，但對方不斷糾纏，終在一次網上打機時進行網上性愛。Fanny稱當時協定玩輸的一方「剝衫」，並需以webcam「直播」過程，到肉帛相見時分別自慰。她說網上性愛與真正做愛比較，有更多幻想空間，加上她與家人同住，關燈後在客廳進行更加刺激，「隔住電腦玩咗十次八次，我哋終於約出嚟見面，我講明唔可以真做先肯出嚟，出到嚟佢好守規矩，返到屋企先開電腦玩，後來我識咗新男朋友就停咗。佢（網友）玩開cybersex，都唔會同我認真。」
並非人人像Fanny般理智，20多歲的OL阿恒便因網上情緣而失身。她數月前在網上認識了一名年紀相若的男子，兩人每天透過ICQ傳情，雖未見一面卻已墮入愛河，「我成日掛住佢，佢話唔舒服我就成日囉囉攣。」兩個月後他們由網上走回現實世界，阿恒很快獻上第一次。怎料男方「得手」後向她表示已婚並有孩子，阿恒才如夢初醒。
網上情人真情假意令人迷茫，自言有豐富cybersex經驗的Jenny稱已看透虛擬情緣，「好多網友心知肚明呢啲只係似是而非嘅關係，網上識朋友感覺始終好兒戲。」她說從不期望網上情緣會開花結果，只想繼續享受虛擬世界帶來的刺激和虛幻感覺，對以為可在網上找到真愛的人，她說：「同網友交往要打醒十二分精神，唔好失咗身先後悔。」
香港青年協會青年輔導中心單位主任徐小曼稱，該會「關心一線」熱線經常接獲青少年墮入「性網」求助個案，男的被騙財、女的被騙色。她說cybersex最危險之處是「即食」，上網後有對手就可發展感情，毋須像現實世界「慢慢煲」，青少年可能因此扭曲兩性關係觀念。
小學男生被性侵犯
信義會「網上迷情」學生輔導計劃負責人鍾繼光指出，隨着電腦愈來愈普遍，連小學生也偷嘗cybersex，一些小五、小六男生貪圖官能刺激難以自拔而闖禍，「佢哋以為只係玩吓唔識得防犯，被人𠱁到除衫，點知畀對方拍低咗都唔知，後來被要脅出嚟受到性侵犯，個細路仲因為怕瘀而唔敢出聲。」