郭晉安和歐倩怡（Cindy）上周六（22日）結束愛情長跑，於香港迪士尼低調舉行了婚禮，昨日安仔接受商台節目電話訪問，披露婚宴當晚的過程，他笑言連自己和歐倩怡的禮服都要悄悄地訂做，他說：「我同師傅講要出席一個好隆重嘅ball，但係個師傅都鬼馬地恭喜我，至於Cindy嗰件唔係婚紗而係晚裝，咁啱佢有個朋友結婚，於是佢就扮做伴娘試衫，試好先買。」
無奉子成婚
問到安仔是因為家庭壓力還是因為和佘詩曼的緋聞影響才結婚，安仔坦言都有少少，但就否認報道所講的奉子成婚，他說：「總之啱嘅時候就會有，𠵱家就冇。」
安仔在節目內也透露當晚喜宴場面，他說：「我哋喺台上講大家對大家嘅說話，我話會照顧佢一生一世，見到Cindy都有眼濕濕。」
安仔笑言結婚後歐倩怡已被人稱呼為郭太，但老婆仔就大叫核突。而安仔表示結婚鑽戒已於3年前購買，歐倩怡日前在書展出席活動時就已經佩戴。
採訪：駱華齡