「我9歲喺貴州鄉下都俾阿叔搞過，有過咁嘅經歷，擔心自己個女會俾人搞，所以自細我都唔俾個女同陌生男人單獨一齊。」案中受害女童的母親說，「就算個女同親生老竇一齊，我都會留意佢哋嘅一舉一動。」
將6歲子帶返鄉下
對於同居男友被判入獄，她表示：「發生咁嘅事，我同佢已經冇可能啦。」她補充說：「屋企得兩套鎖匙，一套擺屋企，個女返屋企都要等埋我先可以入屋，佢（被告）都冇鎖匙入屋，都唔明佢點竄入屋搞嘢。」她強調，雖為被告產下一名已6歲的兒子，但雙方至今仍未結婚。
原籍貴州的她透露，警方在接報後，曾多次要求向其6歲兒子錄取口供，但她不想兒子知悉父親所為，所以將兒子帶返鄉下交給60歲的母親照顧。
她又指，近日有公安到貴州老家向其母親了解情況，特別是針對其女兒的出生日期，其母親得悉今次事件而激到生病。
對於女兒因改口供而令被告打甩八項罪名，她表示直至日前在法庭上作供完畢才知道，並指女兒上中學後性格開始反叛，令她不知如何去管教。
本報記者