做藝人最辛苦的莫過於夏天要拍古裝戲，穿上沉重戲服再加頭套，就算拍文戲不需要打鬥，都已經焗得一身臭汗。剛拍完古裝劇《搜神傳》的胡定欣今個夏日終可甩難，穿上熱褲享受陽光，讓一雙光管腳能曬黑一點。
吳浩康的緋聞女友胡定欣（Nancy）剛剛拍完無綫古裝劇《搜神傳》，熱愛曬太陽的她日前穿上背心短褲駕車往西貢享受日光浴，她說：「我好鍾意曬太陽㗎，因為覺得自己太白，對腳太光，曬過之後，𠵱家都有番啲成績，起碼敢着短褲出嚟見人，𠵱家套劇《搜神傳》又拍完，真係可以好好哋再曬喇。」
毛巾遮臉
問擁有32B上圍的Nancy會否穿比堅尼曬太陽？她說：「都會，不過我唔想曬黑塊面，所以會用毛巾遮住塊面，所以冇人知道??度?個係我。」
煲碟消暑
談及稍後的工作，Nancy透露會接拍一個護膚品廣告，還會出席一些商場活動。至於消暑方法，她表示跟普通市民一樣，愛留在家開冷氣煲碟，她說：「我放假好多時都係留喺屋企睇吓碟同瞓覺，因為天氣太熱喇，真係邊度都唔想去。」
採訪：馮美茵 攝影：林德雄
服裝提供：bauhaus
