傅明憲丈夫葉劍波旗下的海域集團及海域化工，涉嫌有人挪用逾億金額，遭法院頒令自行委任臨時清盤人。傅明憲的好友、姊妹均十分擔心她的情況，古巨基表示聯絡上她，更稱傅明憲昨日如常為慈善奔波，而與她情如姊妹的名媛葉梁美蘭則認為此事「幾大鑊」，希望葉劍波能盡快現身交代事件。
傅明憲（GiGi）丈夫葉劍波的海域系上市王國，包括海域集團及海域化工，前日遭法院頒令自行委任臨時清盤人，事件疑有人挪用數億公款，有消息指葉劍波不在港，記者昨日致電傅明憲也找不上。
一切如常
古巨基與傅明憲屬多年好友，他昨日在電話中說：「我今日冇睇報紙，聽人提過件事，不過都唔係太清楚，所以唔適合講咁多。」基仔謂作為朋友，他相當關心傅明憲，他說：「我有打電話搵過佢，佢心情冇乜嘢，今日喺東華開完會又要去愛護動物協會開會，同平時一樣忙緊慈善嘢囉，冇乜嘢呀。」
身在美國三藩市度假、與傅明憲情同姊妹的名媛葉梁美蘭，昨日接受長途電話訪問時也表示知道海域出了事，她說：「唉，有朋友話咗畀我知，我都上網睇咗報紙，又第一時間打畀GiGi，但係搵佢唔到、佢冇覆。我對上一次同GiGi通電話係三個禮拜前，佢仲問我有冇興趣一齊去旅行。」
葉梁美蘭表示對此事大感愕然，她說：「話有人挪用幾億，𠵱家大家都係得個估字啫，唔知真相，我同GiGi平時都係傾女人經、養狗經，唔會傾到財經問題嘅，不過件事都幾大鑊。」
問葉梁美蘭會否叫老公出手幫忙？她說：「唔知呀，𠵱家最希望係葉生可以出嚟交代件事，咁樣我哋就可以搵到GiGi，𠵱家冇嘢可以做到。」
舊愛封嘴
曾經跟傅明憲拍拖的梁榮忠昨日回應說：「人哋嘅事，自然有佢處理方法，大家都唔知發生乜嘢事，唔應該出聲。」至於會不會問候傅明憲，忠仔說：「未有呢個諗法，亦唔應該，唔知乜嘢事，問人乜嘢？唔好打擾人。」
採訪：林妙萍、蔡如玉、楊潔雯
