以前只有豬肉佬和師奶先會着住拖鞋周街走，但時移世易拖鞋已經可以登大雅之堂，大把荷李活明星都好鍾意踢住膠拖遊街，貪其方便舒適又有型。不過對於好多腳趾或腳甲唔靚嘅人嚟講，踢拖簡直係奢望，幸好𠵱家有指甲美容院救佢哋一命！嫌唔夠經濟又想DIY，咁就順便教埋你整簡單花甲啦！
記者：陳穎欣
攝影：伍慶泉
Model：VeronicaRyan&KarinaA@Calcarries
Clothing：Esprit&Roxy
咪以為手甲和趾甲嘅畫花過程一樣，由於現代女性經常要用電腦打字，所以手指一般都只會做水晶甲、立體花，較少用大大粒嘅珠仔同閃石，多以清簡嘅粉色和閃粉為主，着重粉飾拇指和中指。但趾甲面積一般比手甲大，要搶鏡就要整得夠誇，大粒至6-8mm閃石就夠搶喇！色彩勁sharpshockingpink和金色，襯拖鞋就可以靚絕全場，主打當然係腳指公玩撞色加閃石。
美甲前 Gel甲腳夠sharp
做gel甲前美甲師會先做腳部treatment，令皮膚更滑更白，因為OL日日返工咁辛苦，放工扮靚之餘當然希望relax吓，唞番吓，咁腳甲靚靚心情就自然靚啦！
護理療程
扮靚步驟
啫喱少折斷
Gel甲係將天然樹脂塗上真腳甲上，以加厚同增長趾甲，令甲形更標致更強壯。據美甲師稱，相比起真甲gel甲更少折斷，而且只需1、2天適應便能維持1個月，所以甚得OL歡心。只要清潔消毒工夫做得足，gel甲對腳甲一點傷害都無，反具保護作用㖭！
法式甲靠黐
想搞新意思，可以選擇自己動手創作獨一無二嘅靚甲。要搵假甲幫手好易，市面上好多地方都有得賣，連近期流行的法式假甲都有，而且價錢亦經濟實惠！要動手自己整都唔使半個鐘，十分方便。
Steps
Products
其他護理產品
APICARE足部護理套裝$118
可先用護理刷去除厚繭，再以磨砂膏去除足踝至小腿死皮，清洗磨砂膏後以舒爽啫喱滋潤皮膚。
LINDENLEAVESfootspaminikit$159
將腳泡於溫水約10分鐘，用浮水石磨去軟化的角質層，用適量磨砂膏清除死皮後，再塗上保濕乳霜。
（Trademart25748311）
英倫東瀛各走極端
近兩三年花甲風潮先由英倫和東瀛吹襲香港，而兩派亦各走極端，英倫派流行自然色彩或甲油畫花，東瀛派則一味要誇，大大粒閃石、3D花已經係家常便飯，有啲更誇到穿埋長鏈，但好啱香港女生口味，是以唔少美甲店都追貼東瀛美甲風！
畫出彩虹
除咗gel甲，畫花甲同樣可以把唔靚嘅甲形甲面遮掩，仲可以令腳甲健康啲。因為唔係人人都擁有靚趾甲，所以美甲師便會因應需要幫客人貼上個別假甲，再畫上圖案。此外，腳甲健康同樣重要，所以要懂得揀護養basecoat，呢層薄膜可以分隔指甲油同甲面，減低甲油中化學物質對趾甲嘅傷害，避免變黃，且更易上色。
Steps
Products
收費
樹脂/水晶甲全套及延長 $1,180
趾甲繪花每隻＄20起
趾甲立體繪花每隻$40起
閃石每粒$5
腳部水療深層護理連修趾甲$550
（TenTenNails25434911）