藝人貪靚或為了工作上的需要，往往不顧健康暴食增肥或節食減磅，可惜大部份人成功後，體重最終打回原形，臨床心理學家葉妙妍昨日說：「其實呢啲情況係同飲食失調導致情緒受困有關，一個長期節食嘅人，心理上會好渴求食物，之後就好容易會出現暴食，加上一個人肥同瘦係集合遺傳因子、年齡、生活習慣同新陳代謝好多因素，人本身有一個應有嘅體重，所以暴瘦或暴肥都係暫時性，如果唔係徹底改變生活習慣，咁好容易就會回復到應有嘅體重。」
失動力易反彈
香港肥胖醫學會會長周振中醫生昨日表示，欣宜當年的減磅數字，平均每周減一磅，同類例子不少，只要有決心、有動力和有恒心，成功絕對不出奇，但要保持減磅後的體重才具挑戰性。短時間內體重快減快升的個案，可能因為失去減磅的動力，無法持之以恒。