【本報訊】時光是否總教人遺忘？2003年沙士捲走逾300條人命，一個個相關官員下台，而曾稱國內疫情是國家機密、延遲關閉威爾斯醫院8A病房及隔離淘大居民的前任衞生署署長陳馮富珍，卻能獨善其身，更憑着處理沙士的「經驗」，獲世衞垂青，平步青雲。有沙士遺屬心生不忿，認為她欠港人一個公道，沙士家屬及康復者一句道歉。
周一嶽褒揚語侮辱港人
沙士遺屬一句「厚顏無恥」，轟走沙士疫潮時期的衞生福利及食物局局長楊永強，醫管局主席梁智鴻及行政總裁何兆煒其後相繼下台。惟有遠走世衞的陳馮富珍平步青雲。
母親在沙士中不幸逝世的薛培餘對陳太有可能升職極為不忿，「唔係離開咗香港就唔使負責任，佢始終欠香港人一個公道，欠沙士家屬同埋康復者一個道歉。」他又斥責現任衞福局局長周一嶽褒揚陳太的言論，「佢唔係睇唔到當時整個社會點樣被蹂躪，佢咁嘅說話都講得出口，簡直係侮辱香港人嘅智慧，令家屬更難受。」
社區組織協會病人權益幹事彭鴻昌批評陳太當時對廣東省的疫情沒有警覺性，質疑她處理疫症的能力，「世衞總幹事要處理嘅唔係一個國家，而係好多個國家，令人擔心佢嘅能力同埋危機意識，對於國家推舉佢有保留。」
她升職對全世界非好事
在沙士中與兒子雙雙患病的李太，因沙士損失了兩成活動能力，「啲人慢慢都唔記得沙士，佢咪好彩囉，個個人都要負責，佢就一走了之，官都升埋。佢肯定係好似大陸人咁，如果唔係大陸點會咁鍾意佢呀。包包庇庇，咩事都話無事，佢做（總幹事）對全世界都唔係好事。」