大陸經濟發展迅速，快到好多香港人仲係蒙在鼓裏嘅地步，好多代理都將內地市場視為金礦，積極投放資源去發掘新出路，每間公司都有唔同策略，世紀21最新嘅一步，就係打投資移民主意。該行日前聯同內地合作夥伴GDS（僑外移民），喺廣州搞咗場「加拿大考察團大型說明會」，以加拿大房地產投資、教育安排、各類企業同埋創業資訊為題，吸引百幾人到場。
世紀21香港總經理馮倩儀話，投資移民成為近年內地嘅移民新趨勢，除咗香港，西方國家好似加拿大咁，都成為內地人嘅目標國家。公司9月份會同GDS合辦加拿大投資睇樓團，招攬有意移民加拿大嘅人士參與，主要參觀當地價值40萬至60萬加元嘅住宅，即大概270幾萬到400幾萬港紙嘅物業。
數完代理行喺大陸嘅動作，又要講吓本土嘢，香港置業嘅網上遊戲實務課程，聽講已吸引成千個後勤營業助理參加，今個禮拜日會公布得獎名單。