年屆31歲嘅名模周汶錡Kathy，久唔久就被傳媒大字標題玩踢爆，EQ極高嘅佢三緘其口，企硬一句「箍咗牙、阿媽生成我咁！」就想淡化整容傳聞。一連串女星名媛繼而被翻新舊，讀者當然大呼過癮；另一邊廂，則有人蠢蠢欲動，想一改缺憾美嘅芳容。知你十五十六，今次搵嚟Model阿Lin公開整形（打透明質酸）過程，只須30分鐘就可變身成翻版Kathy！
記者：盧家蕙
攝影：伍慶泉
Model：Lin、YoYo、Yannie@Salvador
MakeupArtist：Kinki
鳴謝：黃曉嵐醫生
查詢：NeoDerm（29768888）
衣服及場地贊助：OLDIEF（25758775）
十五十六 唔整唔舒服
心裏有個謎
變面人辦Lin，眼圓、面圓、鼻扁，被人稱為翻版阿Sa，但她說：「其實我好想瘦面、整高個鼻、下巴兜番少少，應該會靚好多！」雖然首肯打透明質酸隆鼻和豐下巴，不過她仍有點懷疑：打針痛唔痛？支針粗唔粗？會唔會留有疤痕？大大小小嘅問題，就由黃曉嵐醫生親自解答啦！
1.透明質酸安唔安全㗎？
透明質酸是一種多醣體，本身也存在於人體內，是皮膚、關節及軟性組織的重要部份，作醫學注射已有十幾年歷史，亦是唯一獲得美國食物及藥物管理局（FDA）和歐盟（CE）批准的非動物性穩定透明質酸注射填充劑。因為是由細菌而非動物抽取，是以可避免疾病傳播的危險，無過敏原，大大降低敏感機會。
2.注射原理為何？
透過增加皮下組織表面容量，將皮膚凹陷部份（即皺紋或鼻樑）充脹，增加皮膚的體積容量，藉以提升鼻樑、改善鼻裂，豐滿下巴、嘴唇及撫平皺紋。
3.可維持多久？
透明質酸會於體內逐漸分解及被吸收，經肝臟分解成二氧化碳及水份排出體外，成效最長可維持1年，而大多數人會於6-9個月後便再注射一次。
4.有沒有副作用？
毋須休息，傷口略帶紅腫，現象會於一、兩天內消失。
5.收費如何？
每針約$5,000。
30分鐘大變身
Lin在接受注射前，要先塗上麻醉藥膏，以減低打針時的痛楚。然後便由醫生度位，開始整形過程……
整形前鼻扁扁
整形後變靚女
Restylane為行內數一數二的透明質酸，較立體及實淨，品質較好。
黃醫生：千祈咪貪心
黃醫生話Lin嘅鼻樑及鼻尖共打咗一支半，因為佢個鼻小巧、鼻翼唔闊，效果唔錯。「下巴就打咗半支，按面形比例，佢下巴長少少就夠，打太多可能變闊、變方。咪以為打得多就一定靚，最好聽取醫生嘅專業意見。」
Lin：太神奇
「我估唔到鼻樑直咗、高咗，個樣即時變靚咗咁多，下巴兜咗好有富貴相㖭！我可能會keep住打，睇吓到時有冇錢啦！」
打陰影削腮骨
化妝一樣掂
整形始終唔係人人夠膽，想外表四正，除了整形，最簡單當然係靠化妝啦！只要手勢好、技術高，化妝同樣可化腐朽為神奇，當然你要接受到自己卸妝後打回原形的衝擊啦！
Steps
妝物推介
（BOBBIBROWN22658928）
參照人辦：郭可盈
盛傳郭可盈曾接受Botox注射及削腮骨手術，立即變瓜子面形。
黐假睫毛變大眼
Steps
妝物推介
（shuuemura31481022）
參照人辦：關心妍
關心妍一早承認割了雙眼皮，是以雙眼變得圓大。
