郭晉安上月中與佘詩曼因合作拍劇而鬧出緋聞，當外界擔心他與歐倩怡會情海翻波之際，上周六他倆卻靜悄悄在香港迪士尼樂園舉行夢幻婚禮，歐父親自將女兒的一生幸福交託於安仔手上。
現年41歲的郭晉安和26歲的歐倩怡拍拖七年，有情人終成眷屬。上個月，安仔因為演出劇集《東方之珠》與被指是姣精的佘詩曼傳出緋聞，女方頻頻主動情挑男方，有指安仔一度暈得一陣陣，事件曝光後，兩人即火速劃清界線，想不到在一個月後，安仔向女友大派定心丸，還選擇在迪士尼舉行浪漫婚禮。
喜餅送藝人
雖然他們於上周六（22日）已在迪士尼舉行了婚禮，但尚未正式註冊，雙方家長會為他們另擇吉日補辦手續。由於一對新人都不愛鋪張，所以婚禮只有雙方親友被邀出席，行禮後，親友一起在迪士尼參加晚宴。至於娛樂圈的友好，安仔打算稍後會補請大家食喜餅，但不會再擺婚宴。
今次婚禮可以辦得如此順利，安仔表示要感激雙方家長全權統籌，而選擇在迪士尼舉行，是因為他倆都十分喜歡迪士尼卡通人物，歐倩怡歡喜地說：「我自細就憧憬自己嘅婚禮由父親帶領入場，當晚真係夢境成真，爹哋將我嘅幸福，親手交喺安仔手上，感覺好溫馨同浪漫，淚水不期然湧出嚟。」
韓國度蜜月
這個特別的晚上，令一對新人無限驚喜和難忘，安仔高興說：「可能我係孻仔嘅關係，得到好多長輩愛錫，所收到嘅賀禮遠遠超過支出，除咗可以畀婚宴費用外，仲可以有錢剩，用嚟做蜜月嘅旅費。至於蜜月地點，我同歐倩怡都希望去大家初相識嘅地方──韓國，因為呢個係非常值得紀念嘅地方。」
無綫娛樂新聞台昨日播出歐倩怡的訪問，她透露因不想婚事曝光，故婚禮只籌備了短短20天，筵開10多席，只請家人親友到場，她說：「因為我啲家人親友都唔係圈中人，唔想佢哋上鏡，先咁低調，我哋又唔想啲朋友破費，又驚掛一漏萬，所以只請親友。」至於生育問題，她說：「我同安仔都好鍾意小朋友，順其自然啦，我想生女，可以同佢扮靚嘛。」
採訪：葉雪
