望子成龍？個個阿媽都想自己仔女精叻醒目㗎啦！除咗要督促佢哋讀書之外，做阿媽嘅，就連飲食上嘅營養均衡都諗埋！但你估真係食「聰明豆」就變醒目仔咩！周太囝囝今年入讀幼稚園，為了要他有個好開始，不單止要他食得健康，仲要食得聰明，聰明餐天天侍候，日日咁催谷，難怪囝囝入學面試時，連老師都讚他零舍精靈啦！
記者：葉雪芯
攝影：譚盈傑
示範：沙田讀者周太
聰明蛋角 蛋白質幫助腦部發展
需時：20分鐘
價錢：$17/2人份
周太話周不時見到啲阿媽教仔讀書又打又鬧句句「食懵你」，但小朋友讀極都唔入腦，真係幾頭痕。佢覺得打鬧無補於事，不如諗吓有咩食咗幫到阿仔記性好仲好。佢知道雞蛋含有豐富蛋白質，有助增強記憶，即刻搞搞新意思，炮製色香味俱全嘅蛋角，食嘢又點會食懵呀？梗係愈食愈醒啦！
材料：
雞蛋1隻、鯪魚肉30克、小棠菜2棵、蜜糖豆10條、油1茶匙、鹽少許
鯪魚肉$20/斤（a）
小棠菜$7/斤（a）
蜜糖豆$10/6千克（a）
簡易法
1.洗淨小棠菜，切絲；
2.將蛋拂勻，加入鯪魚肉碎和小棠菜絲，加少許鹽；
3.洗淨蜜糖豆，灼熟伴碟用；
4.燒熱油，加入蛋漿，煎成蛋角，以灼熟的蜜糖豆伴碟即可。
貼士
可用其他菜代替小棠菜，莧菜是不錯的選擇，因為灼熟後的莧菜較腍，適合小朋友食用。
椰菜花香煎三文魚 奧米加3增強記憶
需時：20鐘
價錢：$26/2人份
三歲左右係小朋友腦部發展最關鍵嘅時候，周太當然會把握呢段時間令阿仔有咁聰明變咁聰明啦！佢話，唔好以為三文魚好多脂肪，但其實魚肉上嗰啲白色東西就係可以幫助促進腦部發展嘅奧米加3脂肪酸，對細路仔好有益㗎，真係精唔精叻都靠佢！
材料：
三文魚片1包、椰菜花150克、紅蘿蔔1/3條、油2茶匙、鹽/黑椒/水各適量
三文魚片$35/100克（c）
椰菜花$7/斤（a）
簡易法
1.紅蘿蔔去皮灼熟剁茸，三文魚片用黑椒調味醃2分鐘；
2.椰菜花洗淨切小棵，用鹽水灼熟備用；
3.燒熱油，煎熟三文魚上碟，用椰菜花伴碟，在三文魚上鋪上紅蘿蔔茸即成。
貼士
洗椰菜花時宜先浸水一會兒，這樣可徹底清洗花蕾。
雜菜鮮牛柳 繽紛牛牛調節心理健康展
需時：20鐘
價錢：$20/2人份
有時細路仔食嘢都好講心情，唔理得你啲餸有幾好營養，個賣相差啲佢都費事睬你！周太為咗??仔仔食多啲，都會令道菜色彩繽紛。色彩豐富嘅餸菜有助令人精神抖擻、增強自信，周太一於連阿仔嘅心理健康都照顧埋呀！
材料：
牛柳120克、番茄3個、茄醬1/2杯、紅/黃椒各1/3個、鹽1/3茶匙、豉油/油/胡椒粉少許
黑椒$7.4/30克（b）
牛柳$50/100克（c）
番茄$5.6/斤（a）
紅燈籠椒$8.5/100克（c）
簡易法
1.牛柳切粒，加入少許豉油和胡椒粉醃1分鐘用；
2.將紅、黃椒和番茄洗淨切粒；
3.燒熱油，將牛柳粒炒熟，盛起備用，然後炒番茄粒，加入茄醬一起炒，最後加入牛柳、鹽、紅/黃椒粒炒至熟即可。
貼士
番茄要切小粒，並用大火快速炒熟，避免炒爛。
魚柳水蛋 入口夠清調理腸胃
需時：25分鐘
價錢：$10/2人份
材料：
雞蛋3隻、魚柳60克、水約3個蛋殼之份量、鹽1/3茶匙、胡椒粉少許
雞蛋$6.9/6隻（b）
魚柳$14/磅（a）
胡椒粉$7.3/50克（b）
簡易法
1.拂勻蛋，加入水拌勻，待用；
2.洗淨魚柳切成小塊，加入鹽和少許胡椒粉醃2分鐘；
3.將魚柳放入蛋漿中，拌勻，水沸後，用猛火蒸2分鐘，再用文火蒸4分鐘即可。
貼士
蒸蛋時若用牛奶代替清水，可令營養大大增加。
紫菜紅蘿蔔湯 清潤老火湯明目滋補
需時：30分鐘
價錢：$10/2人份
材料：
紫菜5錢、紅蘿蔔1個、排骨1斤、鹽少許
紫菜$6/包（a）
排骨$26/斤（a）
紅蘿蔔$8/斤（a）
簡易法
1.排骨洗淨，飛水；
2.紫菜用清水洗淨，紅蘿蔔切粒；
3.水煮滾，先放入排骨大火煮10分鐘，再放入全部材料，轉文火煮20分鐘；
4.最後加入少許鹽調味即可。
貼士
洗紫菜時不宜洗太久，避免洗走紫菜味。
（a）馬鞍山新港城街市
（b）馬鞍山新港城惠康超級市場
（c）沙田新城市廣場city'super
＊以上價錢以7月24日為準