短身外套並不容易carry，着法一出錯，身形上的缺點立即表露無遺。所以點樣揀一件啱自己的短身外套好重要，熟讀以下貼士，即使你係身形略胖的女生都一樣冇有怕！
1.肥妹仔一定要黑
時裝設計師陳刀話:短外套好「蝦」人着，如果身體瘦削的話就應該着得tight一點，揀短身外套就要揀一件同入面件衫一樣size的；而身形較為肥胖的女生就要揀一件比內裏件衫大一個size的外套。着法方面不妨考慮全黑，即外套同內裏件衫都選擇黑色，始終着黑色望落都會瘦一點。
2.着貼身小背心最好
陳刀話今年比較興着得tight一點，所以着得短身外套，裏面就最忌着一件鬆身衫或tee，感覺會好老土。瘦削女生着咩類型的貼身背心都冇乜大問題，不過自知肥胖的話，當然又係嗰句，揀件黑色貼身背心會穩陣好多，而且最好係有texture或者有暗紋的。
3.必戴頸鏈飾物
着短身外套好多時都唔會扣鈕，就算內裏的貼身背心有花紋或者係間條都好，配一條頸鏈唔會咁寡之餘仲可以令成個looksharp晒，自己接受得到的話不妨戴條誇張啲的頸鏈，效果會更好。