方力申噚日到商台宣傳，對於近日有市民投訴藝人推出嘅書內容空泛，其緋聞女友鄧麗欣（Stephy）都推出咗處女作，小方話：「細佬已經幫我買咗一本，如果有人話藝人出嘅書唔夠豐富唔夠資格，我就唔認同，可能會有人諗我哋係呃歌迷錢，但並唔係咁嘅。消費者要自己決定買唔買，我就覺得呢本書物有所值，係書展中其中一本賣得最好嘅書。」