1.忌撞花
配襯珠鏈同衫，最忌就係花撞花。要佩戴誇張嘅珠鏈，最好選擇淨色上衫。如果顏色唔係太刺眼，彩色橫間衫都可以接受。
2.不妨多Details
為配合夏天，可以選擇一啲較Colourful嘅上衣。Cutting方面多啲Design仲好，因為較容易配襯珠鏈之餘，令珠鏈同衫嘅感覺更突出。
3.珠鏈白/啡穩陣
選擇珠鏈顏色方面，啡色、白色一定冇走雞，最容易配襯。其次係木色珠鏈，2、3條不同長度木珠鏈叠埋一齊戴，易襯之餘亦好睇。
4.鏈款愈簡單愈好
珠鏈款式方面，愈簡單愈好，以往會興啲誇張啲嘅款式，大大抽，由好多不同物料串起。KakA認為呢啲已經Out，簡單大大粒已經好睇。