「我就係有種要戰鬥落去嘅性格，唔想咁易放棄。」說此話者是灣仔「龍門酒樓」的55歲經理鄧鏡雄：「舊式酒樓喺香港已經買少見少，高三層嘅『龍門』更加係碩果僅存。我喺大陸落嚟，嚟香港之後做過三行、木匠、泥水、製衣，連廣告都做過。1987年嚟『龍門』，95年離開搞自己嘅玉石生意，都搞得唔錯㗎，不過2000年老闆叫我返嚟幫手，我應承咗，原因？好簡單，老土啲講句對酒樓有感情。」
跟他四處參觀酒樓時，他邊做訪問邊替客人落單、斟茶遞水，我不禁問：「你係經理，指指點點咪得囉，呢啲嘢大可以唔使做，做乜仲要咁辛苦呀？」「香港人睇錢嘛，唔做嘢邊得嚟錢？我係個做打雜嘅經理。」當然看得出是說笑。現在酒樓當然不及全盛時期般風光，還嘗過一段辛苦日子，但經他略略整頓後，現在已見到一點成果，訪問期間聽到他三番四次提到店舖服務宗旨：「我哋忠誠服務，重質重量。」你可能會覺得礙耳兼骨痹，我卻聽得出他句句真心，如此敬業樂業，令我這個打工仔慚愧非常。
叉燒例牌$52
酒樓最出名是叉燒，鬆化的脢頭肉和炭燒做法幾乎是香港獨有，很多人排隊等位，都是為這口美味叉燒。
八珍扒鴨半隻$75
鄧經理推介：「鴨身用陳皮醃過鴨肉啖啖香，八珍有豬肚、豬皮、蝦、冬菇等配料，抵食。」
潮式炒飯$45
坊間很難找到，特點在放入欖角碎一齊炒，舀一口，欖角獨特香味淡淡留在齒頰。
龍門酒樓（25739761）
地址：灣仔莊士敦道130至136號地舖