曾任深圳市市長嘅于幼軍，同港商交情甚篤，上年6月初，佢以湖南省常務副省長身份，帶領湖南省企業來港招商，喺佢廣闊人脈關係下，簽咗329個共63億美元項目。
事別一年，佢官運亨通，再上一層樓，上周五佢以山西省省長身份南下，一直留到今周五，喺香港為山西招商。
有個山西縣委書記話，今次嚟香港招商，係山西省咁多年以嚟最高規格嘅，總動員四五千人，各市縣代表均有官員嚟香港學習學習；于省長嚟咗山西之後，令佢哋思想開放咗好多，辦事效率顯著提高。
市政府擬實行問責制
好似山西省晉安市市長李永宏就強調，市政府會推行政務公開、在政府機關內實行問責制、限時辦理事務、過錯責任追究制等。相信呢啲新政策，都係于省長將過去湖南做官嘅一套搬過去！