林曉峰（阿Lo）和太太康子妮昨日在葵芳新都會廣場宣傳新書，好友錢嘉樂則任司儀。
明年參加賽車
最近嘉樂與女友李珊珊被指感情有問題，女方日前被本報拍得在上海偷會方程式賽車老闆，但阿Lo竟在台上追問嘉樂何時結婚，嘉樂多次避而不答，最後更怒視阿Lo，阿Lo只好打圓場說：「睇怕你都有排先結喇！」
事後嘉樂接受訪問時笑言：「真係崩口人忌崩口碗呀！」隨後才說：「佢係珊珊嘅朋友，佢準備參加出年賽車，所以搵人教路，學完落場比賽咪安全啲囉，呢個世界咁多觀音兵，哈，我講笑啫！就算女友俾人追咗，都係自己問題，我信得過佢嘅。」至於何時拉埋天窗，他說：「四年後啦！下屆世界盃就結，總之大家有默契。」
撰文：王連連