喺香港，有邵逸夫爵士打造影視城；喺台灣，都有個影視大亨，但呢位影視大亨可以話係半途出家，佢係台灣首富、做代工做到出晒名嘅鴻海集團總裁郭台銘，佢嘅源海精密公司係美國《財富》雜誌全球五百大企業之一，但佢哋郭氏一家，對電影業都好有熱誠。
上個星期，郭台銘返到故鄉山西省晉城，《山西日報》報道話，喺投資考察之際，佢好爽快拍板，準備攞1億美金出嚟，興建富士康晉城影視城，將當地歷史文化及旅遊業結合。上年5月，他已經拎咗成5億美元，喺家鄉用嚟興建富士康晉城科技工業園。
查實郭氏一家喺兩岸都投資咗唔少電影，好似做細佬嘅郭台強，佢太太羅玉珍喺台灣買咗中影股權，呢間公司擁有台北士林黃金地段嘅中影文化城。
至於郭台銘長子郭守正，亦同太太黃子容開電影公司，佢哋夫妻檔打江山，做嘅就係發行華語片。