李彩華及Rosemary等昨日在將軍澳穿上PacinoWan設計的服裝行騷，身穿露背裝、塗上黑色水晶指甲的李彩華被發現背部長滿粒粒，她說：「係呀，天氣一熱，我心口同背部都會紅晒同生粒粒，同埋你哋啲閃光燈又狂閃呢，可能啲皮膚怕醜啦。」
惡蚊狂叮
現正拍攝新劇《詠春》的李彩華，表示拍攝至九月才完成，她說：「套劇主要喺橫店拍，我得閒返香港就會狂接嘢做搵真銀。」她表示橫店氣溫高達35至37度，在戶外拍攝苦不堪言，她說：「喺嗰度貼晒蚊貼都冇用，唔通帶住排香周圍行咩，啲蚊無處不在，我𠵱家左邊patpat俾蚊叮咗五粒，估計係去廁所時中招嘅。」
採訪：JessicaNgan
攝影：EdwardChou