容祖兒與陳奕迅（Eason）前晚在西安演出太陽計劃音樂會，二人壓軸合唱大會歌，有工作人員衝上台熊抱祖兒，她事後埋怨在旁的Eason沒有護花，只顧看煙花，Eason則自辯以為祖兒很享受。 西安直擊
黎明、容祖兒、陳奕迅、許志安、陳小春及鄭希怡（Yumiko）等一班歌手，前晚於西安陝西省體育館出席港台舉辦的《太陽計劃2006——同心同根萬里行大匯演》，整晚細雨紛飛，仍吸引三萬多觀眾入場。
任雨打搏到盡
黎明與許志安演出時，同樣被突然噴出的濃煙嗆到致甩嘴，祖兒及衞蘭則要撐傘唱歌，反而穿着白色薄衣的Yumiko搏到盡，任雨打濕身，透出黑色tubetop，穿着三吋高踭鞋在台上又跳又扭的她，鞠躬時還酥胸半露，本來不突出的身材忽然有料到，全晚則以黎明及Eason最受歡迎。
祖兒、Eason與近50位制服團體成員一同合唱大會歌《我在香港》作完場，怎知台邊突然狂爆煙花，祖兒被嚇致甩嘴，其後忍不住笑不停，唱完歌後本應大合照，此時，一名男工作人員竟衝上台向她索簽名，又熊抱她，站在台上的制服團體少年見狀即失控，紛紛要求祖兒及Eason簽名，顯得一片混亂，十數名工作人員遂上台護送二人落台，連大合照也取消。
事後祖兒埋怨Eason說：「我見個人攬我，好似麻鷹捉雞仔咁，嚇一嚇即退後護住，動作好肉酸，但好彩冇事。Eason都冇護花，只係掛住睇煙花，冇及時相救。」
純粹成人之美
Eason則自辯道：「佢好識保護自己㗎，冇錯，煙花係好好睇。佢受歡迎嘛，如果對方有進一步行動，我都好難控制到，我又唔係地頭蟲，唯一辦法係唔好理佢，可能佢都好Enjoy呢！我唔想阻止佢兩個人嘅嘢，可能我成人之美呢，個男仔可能想攬我，見祖兒企喺我側邊，先順勢攬落佢度，不過都埋唔到我身。」
採訪、攝影：曾小嘉
