每屆的超級工商盃，大會也安排一眾年輕人當賽會的義工，負責球賽雜務，如場外的換票工作、派發打氣棒及清潔場內地板等。9歲的徐諾恆就是今年最年幼的義工。
少人入場派嘢好悶
這次是徐諾恆首度參加超級工商盃義務工作，對他來說最辛苦的莫過於「朝9晚11」的工時。他說：「一日做咁多個鐘頭，都覺得好眼瞓㗎。我最鍾意係換票工作，因為喺門票上抌印好得意；派打氣棒好悶，因為唔係太多人入場，我好想多啲人入場，可以做多啲嘢；而抹地就好趕，要在極短時間抹亁地板汗迹。」
年紀輕輕當義工，家人掛心亦是必然；徐諾恆每次與家人通電，亦使他想家：「屋企人每日都會打電話問我做嘢辛唔辛苦，有時同佢哋講電話時，都會好掛住屋企人。我希望下年可以叫埋朋友一齊做，因為會更開心。」文：許樂暉